Menene So post#
Menene So?
Shi duk wanda ya faɗa cikin kogin soyayya, to, ya zama wajibi a tausaya masa domin ya buɗe wani sabon babi ne a rayuwarsa.
Yau, zanyi bayani akan menene so, ya yake, kuma ta yaya ake gane wani ko wata suna cikin yanayin soyayya.
A cikin dukkan cututtukan da mutum yake yi musamman na zuciya, babu mai azabtarwar kamar cutar ciwon so in har aka samu akasi.
Shi ko akasi ya fi kure, domin kure a kan gyara shi, amma akasi sai dai addu'a kawai.
Ita kalmar so tana nufin a so wani abu, walau mutum, abin hawa, sutura, kuɗi, da sauransu.
A nan, abinda muke nufi da kalmar so shi ne son wani abu (ko ma wanne iri ne).
So, tabbas kalmar So nada wata daraja da baiwa wadda ta daɗe tana bawa malaman soyayya wahala bayyana ta ga dalili kuwa, shine:- Saɓanin ra'ayoyin da ake samu daga ɓangarori daban daban na malaman soyayya ko kuma ince masana soyayya a taƙaice. Hakan yasa ma'anar so tazo da bayanai daban daban, inda wannan dalilin yasa masu karatun littattafan soyayya suka kasa gane ainihin ma'anar so. Koda yake so yazo da ma'anoni daban daban.
Amma zamu iya cewa ma'anar so itace tsananin ƙauna da buƙatar kusantar wani mutum. So, wata iska ce mai yawo wanda babu wani ɗan adam ko dabba da bai shaƙe ta ba. Kusan ince so hantsi ne leƙa gidan kowa.Kuma so tsurone, hakanan yayi daidai da faɗar wani marubuci inda yace"So yakan tsuro har yayi saiwoyinsa a cikin zuciyar masoya, saboda haka idan aka tunbuɗo shi, shi ma sai ya tunkuɗo zuciyar. Saboda haka sai in ba'ayi sa'a ba sai a rasa rai. Sannan kuma bai kyale kowa ba, ba babba ba, ba yaro ba, ba mutum ba, ba aljani, ba dabba ba kai har tsuntsaye na soyayya!. So yana da haɗari idan ba'a yi shi da hankali ba. Ga wasu kirarin So:
1. Soyayya ruwan Zuma
2. So gubace
3. So yayi Kama da Madara
4. So mai hana ganin laifi
5. So ginshikin rayuwa
6. So Hakimin zuciya
7. So aljannah duniya da dai sauran su.
Alamomin So sune kamar haka;
Yawan kallo musamman a sace
Yawan ambato
Faɗuwar gaba yayin da aka ambaci masoyi
Yawan tunanin abunda aka kamu da sonshi.
Tausayin: idan kaga mutum yana yawan tausayin ka to yana sonka
Kunya: idan kaga kunya ta shiga tsakani masoya biyu to akwai soyayya ta gaskiya
Abubuwa dake gyara soyayya
Gaskiya
Amana
Kula
Tsafta
Tsari
Abubuwa dake ɓata soyayya
1. Karya
2. Yaudara
3. Rashin tsafta.
4. Rashin yarda
5. Zargi dadai sauran su.
Idan kaso kace shine rayuwa ko kuma sirrin dake sa rayuwa ta cigaba. Duk inda kaga wata matsala ta faru to so baizo gurin bane wannan yasa manazarta ke ƙoƙarin ɗora rayuwarmu mutane akansa sai dai kasancewar sa me tsarki sai ya zama baya karɓar datti.
Babban abinda yake hanamu ganin tasiri da natija ta so shine datti da muke baibayeshi dashi. To irin dattin da muke gogawa so sun haɗa da
Yaudara
Ƙarya
So saboda wani dalili
Kamar kyau ko dukiya ko muƙami
Domin asalin abinda zuciya take yiwa so shine (jamalul mutlaq)
Sannan duk abinda kaga zuciya ta ɗimauce da sonsa to ta hango tajallin wannan jamalar ne a cikinsa
Auna, ko da ƙaunar wasu ko kuma ana ƙaunata, yana sa mu ji haɗi, amintacce, cikakke, haɓaka, dogara, kwanciyar hankali, rayuwa, ƙira, ƙarfafawa da cikakke. Ya ba da izini ga mawaƙa, mawaƙa, masu zane-zane, marubuta da masana tauhidi na dubunnan shekaru. Amma menene soyayya.
Sau dayawa munayin kuskure muna haɗa so,da ƙauna a waje guda wanda hakan a wajan malaman soyayya kuskurene babba. Ita kalmar So baƙaƙen hausane guda biyu wato‘S‘ da ‘O‘. Turawa suka ce ‘love‘ su kuma haɗuwar baƙaƙe guda huɗu.
In akace ana sonka to baya ɗaukar ma'anar cewa ana ƙaunar ka domin shi so ana furtashi ne akan abinda ya bada sha'awa, kuma da wannan abinda ya bada sha'awa zai zama babu shi, to da za'a iya daina sonshi.
Ma'ana in budurwa tace tana sonka saboda kuɗi, to aranar da baka dashi,wannan kalmar so ɗin ta kau daga gareka amma mutane sun fiya anfani da ita. Ita kuma ‘ƘAUNA‘ kalma ce wadda tafi ‘SO‘ wajan yawa da amfani da juriya domin ita ƙauna duk halin da aka shiga ƙaunar nan bazata gushe ba. Wato ba yaudara a cikinta.
Kowane rai na ƙaunar mai kyautata masa, wannan lamari haka yake domin kuwa duk abin da mutum ke so to lallai yana ƙaunar sa, sai dai a wani ɓangaren kalmomin biyu na nufin abu daban.
Kamar yadda aka saba tattaunawa da matasa maza da mata domin jin ta bakin su a game da kalmar so da ƙauna, da dama sun alaƙanta so tsakanin mace da namiji, domin kuwa, kana iya ƙaunar mutum amma ba so tsakanin ku.
Shine mafi mahimmancin motsin zuciyar cikin mu duka. Ya bambanta shi ne da tsoro, wanda ya nuna a cikin siffofin da yawa kamar fushi, kishi, damuwa, da dai sauransu.
Don samun karin ƙauna, yana taimakawa wajen sanin cewa sha'awar jima'i da ƙauna, a ma'anar haɗuwa, an samar da su ta hanyar raba guda biyu, amma haɗin da ke cikin kwakwalwa. Za mu iya jin alaƙa ga aboki amma ba mu da sha'awar jima'i a gare shi. Za mu iya yin sha'awar jima'i ga wani ba tare da yin haɗin gwiwa ba. Daidaitaccen daidaitattun ƙauna da haɗin kai shine tushen mafi kyau don dogon lokaci, farin ciki, haɗin kai. Dukansu sune sakamako na halitta.
Abubuwa na halitta ko na farko shine abinci, ruwa, jima'i, dangantaka mai ƙauna da kuma sabon abu. Sun bar mu tsira da kuma bunƙasa. Binciken irin wannan ladabi ya jawo hankalin mutum ko sha'awar ta hanyar kwayar neurochemical dopamine. Haƙƙi na halitta yana bamu jin daɗi lokacin cin abinci, shan shayi, haihuwa, da kuma kulawa. Irin wannan jin daɗin yana ƙarfafa hali don muna son sake maimaita shi. Raunin gaba ɗaya, musamman ma idan ya shafe tsawon lokaci, ya sa mu giɓi. Wannan shine yadda muka koya. Kowane ɗayan waɗannan halayen ana buƙata don rayuwa ta jinsi.
Abubuwan batsa suna cin abincinmu don sha'awar jima'i, musamman a matasa, ba tare da samun haɗi da ƙauna ba. Yin amfani da batsa na yanar gizo mai yawa na tsawon lokaci zai haifar da baƙin ciki har ma addiction a wasu mutanen. Koyon yadda ake son ƙauna yana da mahimmanci ga farfaɗowa ta tsawon lokaci.
Anan jagora mai sauƙi ne don fahimtar aikin da ke tattare da ƙananan ƙwayoyin halitta waɗanda suke sa mu ji ƙauna.
Soyayya ta ƙunshi jerin yanayi na tausayawa da muradi mai ƙarfi, daga nuna kulawa ta hanyar kyawawan ɗabi'u, zuwa tsananin muradi da ƙaunar wata halitta, ya zuwa sha'awa. Misalin jerin soyayya daban daban shine, soyayyar uwa ya bambanta da soyayyar ma'aurata, haka zalika kuma sun bambanta da soyayyar abinci. Mafi akasari, soyayya tana nufin alaƙa mai ƙarfi ko kuma tsananin muradi.
Soyayya abu ce wadda take da matuƙar mahimmanci a cikin kowacce irin al'umma. Soyayya halitta ce sashe ce kamar kowanne sashe kamar zuciya, ba zaka san so a ina yake ba har sai kasan inda rayuwa take so yana da sauƙin faɗa wa fiye da shaƙar lunfashi inya tsira baya fita baya mutuwa amma yana suma ina son soyayya saboda tushe ce ta damuwa da kuma farin ciki mara misali so ya haɗa da komai ne.
Da fatan an samu cikakken bayani akan menene so.
0 Comments